ပညာရေးသတင်းများ

•  ကရင်နီပညာရေးဒီဂရီကောလိပ် ၂၀၂၆ခုနှစ် သင်တန်းဝင်ခွင့်လျှောက်လွှာခေါ်ယူခြင်း

-ပညာရေးနယ်ပယ်ကို အနာဂတ်အောင်မြင်မှုနဲ့ ရင်ဆိုင်လိုသူများအတွက်

ကရင်နီပညာရေးဒီဂရီကောလိပ် မှ ၂၀၂၆ခုနှစ်

Batch-3ဝင်ခွင့်လျှောက်လွှာများကို 

စတင်ခေါ်ယူလိုက်ပြီဖြစ်ပါသည်။

-ကရင်နီပညာရေးဒီဂရီကောလိပ်တွင် ဆရာအတတ်ပညာ တစ်နှစ်သင်တန်း အမှတ်စဥ်(၃)ကို ၂၀၂၆ခုနှစ် မေလနောက်ဆုံးပတ်တွင်စတင်ဖွင့်လှစ်သွားမည်ဖြစ်သည်။

အရည်အသွေးရှိသော ဆရာ၊ဆရာမများ

မွေးထုတ်ထုတ်နိုင်ရန်၊

ဒေသအတွင်း ဆရာလိုအပ်ချက်များကို ကူညီဖြည့်ဆည်းပေးနိုင်ရန်နှင့် အခြေခံပြီးဆုံးသွားသော ကျောင်းသား

လူငယ်များအတွက် အဆင့်မြင့်ပညာဆက်လက် လေ့လာသင်ယူခွင့်ရရှိရန် ရည်ရွယ်၍ ဖွင့်လှစ်မည့်သင်တန်းဖြစ်ပါသည်။ထို့အတွက် သင်တန်းသား ကျား(၁၀)ဦး၊မ(၃၀)ဦး စုစုပေါင်း ၄၀ဦးကို စီစစ်ရွေးချယ်ခေါ်ယူသွားမည်ဖြစ်ပါသည်။

#မှတ်ချက်

ဝင်ခွင့်လျှောက်လွှာပုံစံများနှင့် အသေးစိတ်အချက်အလက်များကို

ကျောင်းpage တွင် လာရောက်မေးမြန်းစုံစမ်းနိုင်ပါတယ်။

ဖော်ပြပါပုံတွင်လည်း သင်တန်းဝင်ခွင့်လျှောက်လွှာအကြောင်းကို သေချာစွာဖတ်ရှူနိုင်ပါတယ်။

လျှောက်လွှာပိတ်သိမ်းမည့်ရက် - ၁၀.၄.၂၀၂၆ ညနေ(၅)နာရီ

•  သင်၏ အနာဂတ်ပညာရေးခရီးစဉ်နဲ့ကလေးပညာရေးအတွက် ကရင်နီပညာရေးဒီဂရီကောလိပ်နှင့်အတူ စတင်လိုက်ပါ။

  

  

Integrated Diploma in Education Program (3 Year Program)

• Ready for College?
• Ready to be an Educator?

Applications are now open for the Academic Year 2026-2027 from March 3 to March 21! 

SAG Integrated Diploma in Education Program (သုံးနှစ်သင်တန်း) 

2026-2027 စာသင်နှစ်အတွက် ကျောင်းသားသစ် လျှောက်လွှာလက်ခံနေပါပြီ။ လျှောက်ထားလိုသူများသည်အောက်ပါစာရွက်စာတမ်းများ နှင့်အတူ SAG ရုံးသို့ လူကိုယ်တိုင် လာရောက်လျှောက်ထားနိုင်ပါသည်။

 ဝင်ခွင့်လျှောက်ရန်လိုအပ်သောစာရွက်စာတမ်းများ

• ကျောင်းဝင်ခွင့်လျှောက်လွှာ
• အထက်တန်း အောင်လက်မှတ် နှင့် အမှတ်စာရင်း
• ၆ လအတွင်း ရိုက်ကူးထားသော 2x2 ဓာတ်ပုံ
• October တစ်လလုံးကျောင်းပိတ်သည့်အပြင် အဝေးသင်စာမေးပွဲဖြေဆိုချိန် ခွင့်ရက် ပေးသည့်အတွက် အဝေးသင်တက်ရောက်နေသော ကျောင်းသူ/သားများ လည်းလျှောက်ထားနိုင်ပါသည်။
• အသေးစိတ်သိရှိလိုပါက အောက်ပါဖုန်းနံပါတ်များသို့ ရုံးဖွင့်ရက် နှင့် ရုံးချိန်အတွင်း ဆက်သွယ်မေးမြန်းနိုင်ပါသည်။
• 09884808200
• 09428334259

Office Hours : 8:00AM-12:30PM, 2:00PM – 4:00PM (Mon – Fri)

Link to IP and GEL Application

https://drive.google.com/.../1cJmKVjcSTdj7cJlTEk0.../view...

• Visit our Website for more information 
•      www.sagihs.education

YAC ရဲ့ ၂ နှစ်တာ Diploma Program အတွက် ကျောင်းသား​ကျောင်းသူသစ် စတင်ခေါ်ယူခြင်း - လူငယ်များအားလုံးကို နွေးထွေးစွာ ကြိုဆိုပါတယ်! 

​အနာဂတ်ကို ကိုယ်တိုင်ပုံဖော်ချင်တဲ့ လူငယ်တွေအတွက် Youth Academy College (YAC) - Karenni ကနေ ၂၀၂၆ - ၂၀၂၇ ပညာသင်နှစ်အတွက် ၂ နှစ်တာ "Diploma in Social Science & Sustainable Development" သင်တန်းသားသစ်တွေကို စတင်ခေါ်ယူနေပြီဖြစ်ပါတယ်။

• ​ ဘယ်သူတွေ လျှောက်ထားနိုင်သလဲ?

• ​အခြေခံပညာ အထက်တန်း (သို့မဟုတ်) G-12 အောင်မြင်ပြီးသူများ။ GED အတန်း ပြီး​မြောက်​အောင်မြင်ထားသူများ။

• ​လူမှုသိပ္ပံပညာ (Social Science) နှင့် ရေရှည်ဖွံ့ဖြိုးတိုးတက်မှုဆိုင်ရာ ဘာသာရပ်များကို စိတ်ပါဝင်စားသူများ။

• အသက် ၁၈ နှစ်ပြည့်ပြီးသူ ဖြစ်ရမည်။ (အသက် ၂၅ နှစ်ထက် မ​ကျော်လွန်​စေရ။)

• ၂ နှစ်တာ သင်ကြား​ရေးကာလကို အပြီးတက်​ရောက်နိုင်သူ ဖြစ်ရပါမည်။ 

• အကျင့်စာရိတ္တ​ကောင်းမွန်ပြီး၊ ကျန်းမာ​ရေး​ကောင်းမွန်သူ ဖြစ်ရပါမည်။

• မတူညီကွဲပြားမှုများကို လက်ခံနိုင်ပြီး အများနှင့် လိုက်​လျောညီ​​ထွေမှုရှိစွာ ​နေထိုင်တတ်သူဖြစ်ရပါမည်။

• ​မိမိတို့ရဲ့ အရည်အချင်းတွေကို မြှင့်တင်ပြီး လူမှုအသိုင်းအဝိုင်းအတွက် အကျိုးပြုလိုသူ လူငယ်များအားလုံး လျှောက်ထားနိုင်ပါတယ်။

• ​ လျှောက်လွှာ ရယူရန်နှင့် တင်သွင်းရန်:

လျှောက်လွှာပုံစံများကို ကျွန်တော်တို့ရဲ့ YAC Facebook Page Messenger မှာ တိုက်ရိုက်လာရောက်တောင်းယူနိုင်သလို၊ သိလိုသမျှကိုလည်း စုံစမ်းမေးမြန်းနိုင်ပါတယ်ခင်ဗျာ။

​ အရေးကြီးရက်စွဲများ (Batch - 3):

• ​လျှောက်လွှာပိတ်မည့်ရက်: 

ယခုမှစတင်၍ မတ်လ ၂၉ ရက်၊ ၂၀၂၆ အထိ။

• ​ဝင်ခွင့်စာမေးပွဲဖြေဆိုခြင်း: 

ဧပြီလ ၁ ရက်မှ ၇ ရက်အထိ (On-ground နှင့် Online Google Form နှစ်မျိုးလုံးဖြင့် ဖြေဆိုနိုင်သည်)။

• ​လူတွေ့စစ်ဆေးခြင်း (Interview): 

ဧပြီလ ၂၀ ရက်မှ ၂၄ ရက်အထိ (On-ground နှင့် Zoom မှတစ်ဆင့်)။

• ​နောက်ဆုံးရလဒ် ကြေညာခြင်း: 

ဧပြီလ ၂၅ ရက်၊ ၂၀၂၆။

​ဒီ Program ဟာ လူငယ်တွေအတွက် အတွေ့အကြုံသစ်တွေနဲ့ ပညာရပ်ပိုင်းဆိုင်ရာ တိုးတက်မှုတွေကို ဖော်ဆောင်ပေးမှာဖြစ်လို့ Youth Academy College (YAC) ကနေ လူငယ်ထုကြီးတစ်ရပ်လုံးကို လှိုက်လှဲစွာ ကြိုဆိုနေပါတယ်။ 

​ ဆက်သွယ်ရန်:

• ​Signal: +66 99 139 9550

• ​Facebook Page: Youth Academy College - Karenni - YAC

​#YAC #YouthAcademyCollege #Karenni #DiplomaProgram #SocialScience #SustainableDevelopment #Admission2026 #JoinUs

ရက်စွဲ။ ။ ၁၆. ၂. ၂၀၂၆ ခုနှစ်။

Supporting Essential Education – SEE ၏ Basic Education Program ( အခြေခံပညာရေး ပရိုဂရမ်) မှဦးဆောင်၍ ၂၀၂၆-၂၀၂၇ ခုနှစ်၊ ပညာသင်နှစ်အတွက်  အမှတ်စဉ်(၆)နွေရာသီစေတနာ့ဝန်ထမ်း ဆရာ/မဖြစ်သင်တန်း အစီအစဉ်အား လာမည့် မတ်လ၊ ၁၆၊ ၂၀၂၆ မှ ဧပြီလ၊ ၂၉၊ ၂၀၂၆ ခုနှစ်ထိ (၄၅)ရက်တာ သင်တန်းပြုလုပ်သွားမည်ဖြစ်ပါသည်။ ၎င်းသင်တန်းအား သင်တန်းသူ/သားဦးရေစုစုပေါင်း (၄၅)ဦးခေါ်ယူသွားမည်ဖြစ်သည်။

  သင်တန်းအားစိတ်ပါဝင်စား၍ လျှောက်ထားလိုပါက အောက်တွင်ဖော်ပြပေးထားသည့် Google Form ဖြင့်သော်လည်းကောင်း၊ဖောင်ပုံစံများဖြင့်သော်လည်းကောင်းလျှောက်ထားနိုင်ပါသည်။

https://forms.gle/uTMZ58JbwFbQXqKeA

HELLO!

အဆင့်မြင့်ပညာရပ်ကို ဆက်လက် သင်ယူလိုသော လူငယ်များအတွက် အခွင့်အရေးကောင်းလေးတစ်ခု လာပါပြီနော.. 

၂၀၂၆ ပညာသင်နှစ်အတွက် Associate Degree in Community Development နှင့် Associate Degree in Education အတွက် ဆယ်သဲကောလိပ်မှ ကျောင်းသူ/ကျောင်းသား အသစ်များကို ထပ်မံခေါ်ယူနေပါပြီ

လျှောက်ထားနိုင်ရန်အတွက် လိုအပ်သော သတ်မှတ်ချက်များမှာ အောက်ပါအတိုင်းဖြစ်သည်။

• အသက် (၁၈) နှစ်ပြည့်ပြီးသူဖြစ်ရမည်။
• (၁၀) တန်းစနစ်ဟောင်းအောင်မြင်ပြီးသူဖြစ်ရမည်။
• သို့မဟုတ် (၁၂)တန်း ပြီးမြောက်သူ ဖြစ်ရမည်။
• အဆင့်မြင့် ပညာရပ်ကို လိုလားစွာ လေ့လာသင်ယူလိုစိတ်ရှိသူ ဖြစ်ရမည်။

စိတ်ဝင်စားပါက ဖေဖော်ဝါရီလ ၂၀ ရက်နေ့ ၂၀၂၆ ခုနှစ်(သောကြာနေ့) တွင် ကျောင်းနှင့်သက်ဆိုင်သော အချက်အလက်များနှင့် ဝင်ခွင့်ဖောင် ဘယ်လိုဖြည့်ရမလဲစသော အကြောင်းအရာများကို မျှဝေပေးမည့် Orientation session တွင် ပါဝင်နိုင်ပါကြောင်း တစ်ပါးတည်း ကြေညာလိုပါတယ်။

အသေးစိတ်သိရှိလိုပါက အောက်ပါ ဆက်သွယ်ရန်လိပ်စာမှတစ်ဆင့် မေးမြန်းနိုင်ပါသည်။

 Facebook : Seh Theh COLLEGE - New Page

Email :admission@stcollege.org

ဖောင်လင့်

https://docs.google.com/.../1FAIpQLSet2Ym5.../viewform...

အောက်ပါ website link တွင်လည်း လျှောက်ထားနိုင်သည် 

https://stcollege.org/what-we-do/admission/

ဖောင်ပိတ်ရက်

ဧပြီလ ၃ ရက်၊ ၂၀၂၆ ခုနှစ်

မှတ်ချက်

• Round (1) တွင် လျှောက်ထားမည့် သူများကို ပို၍ ဦးစားပေးခေါ်ယူသွားမည် ဖြစ်ပါသည်။
• ပြည့်စုံစွာ ဖြည့်စွက်ထားခြင်းမရှိသော လျှောက်လွှာများကို ထည့်သွင်းစဉ်းစားမည်မဟုတ်ပါ။

စတုတ္ထအကြိမ် တက္ကသိုလ်ဝင်ခွင့် လမ်းညွှန် 

(မြန်မာ့နွေဦးတက္ကသိုလ်) 

အမျိုးသားညီညွတ်ရေးအစိုးရ၊ ပညာရေးဝန်ကြီးဌာန၊ ကြားကာလ တက္ကသိုလ်များမှ ခေါ်ယူသော စတုတ္ထအကြိမ်တက္ကသိုလ်ဝင်ခွင့် 

၂၀၂၆ ခုနှစ် ဖေဖော်ဝါရီလ (၁) ရက် မှ ၂၀၂၆ ခုနှစ် မတ်လ ၂ ရက်နေ့ ထိ မြန်မာပညာရေးစနစ် (Myanmar Education System -MES) တွင် ဝင်ရောက်လျှောက်ထားနိုင်ပါသည်။ 

လမ်းညွှန်စာအုပ် ရယူရန် - https://drive.google.com/.../1ByAXIUVqB5YiWaF1Oa3.../view...

မြန်မာပညာရေးစနစ် MES မှ တဆင့် တက္ကသိုလ်ဝင်ခွင့် လျှောက်ထားရမည့် ပုံစံလမ်းညွှန် - https://drive.google.com/.../1b73t7CwAf6n4BHL2ewH.../view...

https://moe.nugmyanmar.org/he/uni-ent-26/

 သင်တန်း အပတ်စဉ် ၂ အတွက် သင်တန်းသား/သူများ ခေါ်ယူခြင်း 

ဘယ်သူတွေ လျှောက်လို့ရသလဲ။

အသက် ၁၅ နှစ်မှ ၂၃ နှစ်အတွင်း

ကရင်နီဒေသတွင်းရှိ လူငယ်များ (ကရင်နီဒေသခံလူငယ်များ၊ စစ်ဘေးရှောင်စခန်းများတွင် နေထိုင်သူ လူငယ်များ နှင့် ဒေသခံမဟုတ်သော စစ်ဘေးရှောင်လူငယ်များ၊ တော်လှန်ရေးကာလအတွင်း ကိုယ်လက် အင်္ဂါဆုံးရှုံးထားသည့် တော်လှန်ရေးရဲဘော်များ)

ပညာအရည်အချင်း - အနည်းဆုံး အခြေခံပညာအလယ်တန်းအဆင့် (Grade 9) အောင်မြင် ပြီးမြောက် ထားသူများ

သင်တန်းကာလ

မတ်လ ၂၀၂၆ မှ ဇွန်လ ၂၀၂၆ အထိ သင်တန်းကာလ (၄) လ ကြာမြင့်မည် ဖြစ်သည်။

သင်ကြားပေးမည့် ဘာသာရပ်များ

Core Life & Social Development Skills

o Personal & Social Development

o Digital Skills

o Language Skills

o Financial & Business Skills

o Art & Music

Basic Vocational Specialization

သင်ကြားမှုပုံစံ

သင်တန်းဆရာ/ဆရာမများမှ အနီးကပ် သင်ကြားပေးခြင်းနှင့် အွန်လိုင်းမှ လေ့လာသင်ယူခြင်း နှစ်ခုစလုံး ပါဝင်မည် ဖြစ်သည်။

သင်ကြားမည့် ခေါင်းစဉ် တစ်ခုချင်းစီအလိုက် အကဲဖြတ်စစ်ဆေးခြင်းများ၊ လက်တွေ့လေ့ကျင့်ခြင်းနှင့် ကွင်းဆင်းလေ့လာခြင်းများ ပါဝင်မည်ဖြစ်သည်။

သင်တန်းသား/သူများ စံသတ်မှတ်ချက်

သင်တန်းလျှောက်လွှာတွင် ပါဝင်သော မေးခွန်းများကို ပြည့်စုံစွာ ဖြေကြားပေးရမည်။

သင်တန်းကာလ (၄) လ အစအဆုံး မပျက်မကွက်တက်ရောက်နိုင်သူ ဖြစ်ရမည်။

သင်တန်းအပေါ် စိတ်ဝင်စားပြီး သင်တန်းပြီးဆုံးပါကလည်း လက်တွေ့လုပ်ငန်း အကောင်အထည်ဖော်နိုင်သူ ဖြစ်ရမည်။

သင်တန်းကျောင်းအတွင်း ချမှတ်ထားသော စည်းကမ်းများကို လိုက်နာနိုင်သူဖြစ်ရမည်။

ဘယ်လို လျှောက်ထားရမလဲ။

အွန်လိုင်းလျှောက်လွှာမှ တဆင့် သတ်မှတ်ထားသောရက် မတိုင်မှီ လျှောက်ထားရမည်။

https://forms.gle/ks8kb1PW6TjMCkNt9

လျှောက်လွှာတွင် မေးမြန်းထားသော မေးခွန်းများအား ပြည့်ပြည့်စုံစုံ ဖြည့်စွက်ပေးရန် အကြံပြု တိုက်တွန်းပါသည်။

သတ်မှတ်ထားသော လျှောက်လွှာပိတ်ရက် ကျော်လွန်ပြီးမှ ပေးပို့လာသော လျှောက်လွှာများကို လက်ခံ စဉ်းစားပေးမည် မဟုတ်ပါ။

သင်တန်းလျှောက်လွှာပိတ်မည့်ရက်

၂၀၂၆ ခုနှစ်၊ ဖေဖော်ဝါရီလ ၂၅ ရက်

မေးမြန်းလိုသည်များအား Yaung Ni Social Development Training School Page Messenger မှတဆင့် စုံစမ်း မေးမြန်းနိုင်သည်။ 

မှတ်ချက် - အွန်လိုင်း Google Form မှ သင်တန်းလျှောက်လွှာတင်ရန် အဆင်မပြေသူများအတွက် လျှောက်လွှာပါ အချက်အလက်များအား လက်ရေးဖြင့် ဖြည့်စွက်၍ Yaung Ni Social Development Training School Facebook Messenger မှတဆင့် ဓာတ်ပုံရိုက်ပြီး ပေးပို့နိုင်ပါသည်။

#YaungNi 

#yaungnisocialdevelopmenttrainingschool

#buildyourfuturewithyaungni

#learnlovehope

ကရင်နီပြည်လူငယ်အင်အားစုမှ ဦးစီးပြီး ကရင်နီပြည်လူငယ်နိုင်ငံရေးနှင့်အုပ်ချုပ်ရေး ခေါင်းဆောင်မှုစွမ်းရည်မြှင့်သင်တန်းတစ်ရပ်ပြုလုပ်သွားမည်ဖြစ်ပါသောကြောင့် စိတ်ပါဝင်စားသူများမည်သူမဆို ပါဝင်လျှောက်ထားနိုပါသည်။

သင်တန်းအသေးစိတ်အချက်အလက်များကို အောက်တွင်ဖတ်ရှု့နိုင်ပါသည်။

https://drive.google.com/.../1c.../view...

ဖြည့်စွက်ပြီးပါက သင်တန်းလျှောက်လွှာကို မိမိနေထိုင်ရာမြို့နယ်အလိုက် ဖော်ပြထားသည့် သက်ဆိုင်ရာအဖွဲ့အစည်း၏ လိပ်စာအတိုင်း  ၂၀၂၆ခုနှစ် ဖေဖော်ဝါရီလ ၁၃ ရက်နေ့တွင် နောက်ဆုံးပေးပို့ထားရမည်။

အားလုံးပဲ မင်္ဂလာနှစ်သစ်ပါ။ 

Wunzin Online University _ နိုင်ငံရေးသိပ္ပံဌာနကနေ ကြိုဆိုလိုက်ပါတယ်။ စစ်ကောင်စီရဲ့အုပ်ချုပ်မှုကို ဆန့်ကျင်နေတဲ့ တော်လှန်ရေးဘက်တော်သားတွေအတွက် ဝန်ဇင်းအွန်လိုင်း တက္ကသိုလ် နိုင်ငံရေးသိပ္ပံဌာနကနေ လာမယ့်မတ်လနောက်ဆုံးအပတ်မှာ စတင်ဖွင့်လှစ်တော့မဲ့ Diploma Program လေးတစ်ခုနဲ့ မိတ်ဆက်ပေးချင်ပါတယ်။

လက်ရှိမြန်မာပြည်အခင်းအကျင်းအတွင်းမှာပဲ မြန်မာပြည်သူလူထုဟာ နိုင်ငံရေးကို ပိုမိုစိတ်ဝင်စားလာကြပါတယ်။ ယခင်ခေတ်တွေလိုမဟုတ်ကြတော့ပဲ နိုင်ငံရေးကို လူကြီးလူငယ်မရွေး အမျိုးသား၊ အမျိုးသမီးတိုင်းက စိတ်ဝင်တစားရှိလာပြီး စစ်အုပ်စုရဲ့ဖိနှိပ်မှုကြားကနေ နိုင်ငံရေးပညာရပ်တွေကို ရရာနည်းလမ်းတွေကနေ မပြတ်လေ့လာနေကြပါတယ်။ နိုင်ငံရေးနဲ့အတူတကွယှဥ်တွဲပါလာတာက တော့ အုပ်ချုပ်ရေးပဲ ဖြစ်ပါတယ်။

ယခုလက်ရှိ မြန်မာနိုင်ငံတစ်ဝှမ်း တော်လှန်နေကြသောဖက်ဒရယ်ယူနစ်အစိုးရတွေ၊ အုပ်ချုပ်ရေးအဖွဲ့အစည်းအသီးသီးတွေဟာ စစ်ရေးအပြင် အုပ်ချုပ်ရေး၊ မတူကွဲပြားမှုများကို စီမံခန့်ခွဲရေး၊ ဘဏ္ဍာရေး၊ တရားစီရင်ရေးစတဲ့ ပြည်သူ့ဝန်ဆောင်မှုပေးရတဲ့ လုပ်ငန်းများစွာကို လည်ပတ်လုပ်ကိုင်နေကြပါတယ်။ မြန်မာပြည်သူတွေရဲ့ နိုင်ငံရေးရေချိန်ကလည်း နွေဦးတော်လှန်ရေးနှင့်အတူ တိုးတက်ပြောင်းလဲလာတာနဲ့အညီ တိုင်းရင်းသားပြည်သူတွေ လိုလားကြတဲ့ ဖက်ဒရယ်ဒီမိုကရေစီစနစ် တည်ဆောက်နိုင်ဖို ပြည်သူတစ်ဦးတစ်ယောက်ချင်းစီက ကျရာအခန်းကဏ္ဍကနေ ပါဝင်ကြတဲ့နေရာမှာ ပြည့်သူရေးရာစီမံခန့်ခွဲမှုပညာက အထူးလိုအပ်ပါတယ်။ 

ပြည်သူ့ရေးရာစီမံခန့်ခွဲမှုပညာရပ်ကိုယ်တိုင်ကလဲ ဒီမိုကရေစီနိုင်ငံတစ်ခုမှာ နေထိုင်ကြတဲ့ လူမျိုးမရွေး၊ ဘာသာမရွေး နိုင်ငံသားတိုင်းသိထားသင့်တဲ့ ဘာသာရပ်ဖြစ်ပြီး ခေါင်းဆောင်မှု၊ အုပ်ချုပ်ရေး၊ ပြည်သူ့ရေးရာမူဝါဒများနဲ့ ပြည်သူ့ရေးရာစီမံခန့်ခွဲရေးဆိုင်ရာ စွမ်းဆောင်ရည်မြှင့်တင်နိုင်ရေးအတွက် အဘက်ဘက်က ကြိုးစားအားထုတ်ပေးပါတယ်။ မိမိတို့ ဒီမိုကရေစီဘက်တော်သားတွေ ကလဲ ဒါကိုကြိုတင်ပြင်ဆင်ဖို့လိုအပ်လာပါပြီ။ ဒါမှသာ တော်လှန်ရေးကာလအတွင်းနဲ့ တော်လှန်ရေး အလွန်ကာလတွေမှာ ဖက်ဒရယ်ဒီမိုကရေစနစ်ကိုဦးတည်တဲ့ နိုင်ငံတော်တည်ဆောက်ဖို့ ပြည်သူကို ဝန်ဆောင်မှုပေးရေးဆိုင်ရာ အုပ်ချုပ်ရေးလုပ်ငန်းတွေမှာ တထောင့်တစ်နေရာက ပါဝင်ဖို့ မိမိတို့ လူ့အဖွဲအစည်း အားကောင်းမောင်းသန်ဖြစ်ရေးရှေးရှုဖို့ဆိုတာတွေအတွက် ဒီ Diploma သင်တန်းက အထောက်အကူပြုနိုင်မှာ သေချာပါတယ်။

. 

ဝန်ဇင်းအွန်လိုင်းတက္ကသိုလ်၊ နိုင်ငံရေးသိပ္ပံဌာနက ဖွင့်လှစ်မဲ့ ဒီ ပြည်သူ့အုပ်ချုပ်ရေးပညာ ဒီပလိုမာသင်တန်း ဟာ အုပ်ချုပ်ရေးနယ်ပယ်မှာနေရာစုံက ပါဝင်နေသူတွေ၊ ပါဝင်လိုကြသူတွေ၊ အနာဂတ်ဖက်ဒရယ် ပြည်ထောင်စုမှာ ကျရာအခန်းကဏ္ဍကနေ အုပ်ချုပ်ရေးယန္တရားတွေမှာ ကျရာနေရာက တာဝန်ထမ်းဆောင်လိုသူများအပြင် ဒေသတွင်း ပြည်သူ့ရေးရာလုပ်ငန်းများကို စီမံခန့်ခွဲရာမှာ ကောင်းမွန်စွာ တာဝန်ယူဆောင်ရွက်နိုင်ဖို့ လိုအပ်တဲ့ ဗဟုသုတတွေဖြည့်ဆည်းမည့်သူတွေ တက်ရောက်သင့်ပါတယ်။ အမျိုးသားညီညွတ်ရေး အစိုးရ၊ ပညာရေးဝန်ကြီးဌာန အသိအမှတ်ပြုတက္ကသိုလ်ဖြစ်သည့် Wunzin Online University မှာ တွေ့ဆုံကြဖို့ မျှော်နေပါမယ်။

.

လူဦးရေ ကန့်သတ်ထားတာဖြစ်တဲ့အတွက် စောလျင်စွာလျှောက်ထားဖို့ အသိပေးလိုပါတယ်။

ဘယ်သူတွေလျှောက်ထားနိုင်မလဲ ?

.

လတ်တလော တော်လှန်ရေးအစုအဖွဲ့များရဲ့ အုပ်ချုပ်ရေးလုပ်ငန်းစဉ်အရပ်ရပ်မှာ ပါဝင်လုပ်ကိုင်နေကြသူတွေ၊ တိုင်းရင်းသားတော်လှန်ရေး အုပ်ချုပ်ရေးအစုအဖွဲ့အစုံက ရုံးဝန်ထမ်းတွေ၊ ဖက်ဒရယ် ယူနစ်အစိုးရတွေရဲ့ ဝန်ထမ်းတွေ တက်ရောက်နိုင်ပါတယ်။

ဒါ့အပြင် စစ်အာဏာသိမ်းမှုမတိုင်ခင်က တက္ကသိုလ်ဝင်တန်းအောင်မြင်ထားသော CDM ကျောင်းသား/သူများ၊ BECA အောင်မြင်ထားသောကျောင်းသား/သူများ၊ တိုင်းရင်းသားနယ်မြေအခြေစိုက် ပညာရေး အင် စတီးကျူးရှင်းတွေက အထက်တန်းအောင်မြင်ထားသူတွေ၊  CDM တက္ကသိုလ်ကျောင်းသား/သူများ၊ CDM ဆရာ/ ဆရာမများ၊ GED/IGCSE ပြီးထားသူတွေ၊ CDM ဝန်ထမ်းများနှင့် ပြည်သူ့ရေးရာစီမံခန့်ခွဲမှုကို စိတ်ဝင်စားပြီး သင်တန်းကာလ ၉ လကို အစမှအဆုံးထိ မပျက်မကွက်တက်ရောက်နိုင်မည်ဟု ကတိ ပြုနိုင်သော မည်သူမဆို တက်ရောက်နိုင်မှာ ဖြစ်ပါတယ်။ Commitment ကတော့ ရာခိုင်နှုန်း အပြည့် ပေးဖို့လိုပါတယ်။ 

ဝန်ဇင်းအွန်လိုင်းတက္ကသိုလ်၊ နိုင်ငံရေးသိပ္ပံဌာနက ဘာတွေလုပ်နေသလဲ

ဝန်ဇင်းအွန်လိုင်းတက္ကသိုလ်၊ နိုင်ငံရေးသိပ္ပံဌာနကို ၂၀၂၃ ခုနှစ်မှာ စတင် အသက်သွင်းခဲ့ပြီး နိုင်ငံရေးသိပ္ပံ ဒီပလိုမာ (၁၈) လ သင်တန်း(Batch-1)ကို ဖွင့်လှစ်ခဲ့ပါတယ်။ ၂၀၂၅ နှစ်လယ်အထိ ဆရာများနဲ့ကျောင်းသားတွေရဲ့ လုံခြုံရေးကြောင့် zero visibility လုပ်ကာ ခြေသံလုံလုံနဲ့ ချီတက်နေပါတယ်။ နိုင်ငံရေးသိပ္ပံ certificates အတန်းတွေလဲ ဖွင့်လှစ်ခဲ့ပါတယ်။ လက်ရှိမှာတော့ နိုင်ငံရေးသိပ္ပံဌာနဟာ တော်လှန်ရေး အင်အားစုတွေအတွက် ရည်ရွယ်တဲ့ ပြည့်သူ့အုပ်ချုပ်ရေးပညာ ဒီပလိုမာတန်းတွေဆိုပြီး အတန်းခွဲတွေ ဖွင့်နိုင်ဖို့ ၂ နှစ်ကျော် အချိန်ယူပြင်ဆင်နေပါတယ်။ ဒါ့အပြင်အခြားသော နိုင်ငံရေးနဲ့ ဆက်စပ်ပြီး လက်ရှိအခြေအနေနဲ့ ကိုက်ညီမယ့်အတန်းတွေကိုလည်း ဆက်လက်ဖွင့်လှစ်နိုင်ဖို့ အားထုတ်နေပါ တယ်။

ဘယ်သူတွေသင်မှာလဲ

သင်ကြားမယ့် ပါမောက္ခတွေက အစိုးရအုပ်ချုပ်ရေးယန္တရားတွေအကြောင်း ကောင်းစွာနားလည်ပြီး CDM လုပ်ဆောင်ထားတဲ့ သင်ကြားရေးသက်တမ်းအနိမ့်ဆုံး ၁၀ နှစ် ကျော်ရှိတဲ့ ဆရာတွေဦးဆောင် လာမှာဖြစ်ပါတယ်။ မော်ကျူးတခုပါမောက္ခနှစ်ဦးအနည်းဆုံးအပြင် Standby Teaching assistance တွေ ရှိနေမှာဖြစ်ပါတယ်။ မော်ကျူး (၈) ခုစာအတွက် ပါမောက္ခ ၁၀ ဦး ( ဆရာများ အားသည့်အချိန်ပေါ် မူတည်၍) ရှိနေမှာဖြစ်ပါတယ်။ ဒါ့အပြင် နိုင်ငံတကာက အုပ်ချုပ်ရေးပညာပြီးမြောက်ထားတဲ့ ဆရာ၊ဆရာမတွေ၊ ဖက်ဒရယ်ယူနစ်အစိုးရတွေ၊ ဝန်ကြီးဌာနတွေ၊ တိုင်းရင်းသားအုပ်ချုပ်ရေးယန္တရား အတွင်းက တာဝန်ရှိသူတွေကိုလည်း လက်တွေ့အခြေအနေနဲ့ ကိုက်ညီအောင် ဖိတ်ခေါ်သင်ကြား စေမဲ့ အတန်းဖြစ်ပါတယ်။

Scholarship 

ဝင်ခွင့်ရတဲ့ ကျောင်းသား/သူတိုင်းဟာ ဝန်ဇင်းအွန်လိုင်းတက္ကသိုလ်၊ နိုင်ငံရေးသိပ္ပံဌာနက ပေးတဲ့ စကောလားရှစ်ကို အပြည့်အဝခံစားရရှိမှာဖြစ်ပါတယ်။ 

Diploma Course/ Precourse 

ကျောင်းသူ/သားတွေဟာ Diploma တန်းတက်ရောက်ခွင့်ရဖို့ဆိုရင် Foundation course ကို တက်ရောက်ရမှာဖြစ်ပါတယ်။ ဒီအတန်းပြီးမြောက်ရင် certificates ရရှိမှာဖြစ်ပါတယ်။ အသေးစိတ်ကို လမ်းညွှန်စာအုပ်မှာ ဖတ်နိုင်ပါတယ်။ 

 Classroom and platform - 

အတန်းများကို Online Platform တွေကနေ သင်ကြားမှာဖြစ်ပါတယ်။ Face to Face သင်တန်း ဖြစ်ပါတယ်။ Camera ဖွင့်ဖို့လိုပါတယ်။ ( ချွင်းချက်တချို့ရှိနိုင်)။

Teaching style

ဆရာမှ အရှေ့က ဦးဆောင်သင်ကြားသည့် Banking Model နှင့် ကျောင်းသားများမှ တက်တက် ကြွကြွ တချိန်လုံးဆွေးနွေးရသည့် Problem-Posing Model ကို သုံးထားသည်ဖြစ်၍ ဆွေးနွေးမှု အားနှင့် စာဖတ်အားကောင်းရန် လိုအပ်သည်။ 

 Timetable- 

အတန်းများကို 23.3.2026 ရက်နေ့ နောက်ပိုင်းမှာ စတင်တက်ရောက်ရမှာဖြစ်ပြီး သင်တန်းကာလ ၇ လ နဲ့ သုတေသန ၂လ ပေါင်း ၉ လ ကြာမြင့်မှာဖြစ်ပါတယ်။ သင်တန်းလျောက်ထားရမယ့် timeline ကို အောက်ကလင့်မှာ ကြည့်နိုင်ပါတယ်။ 

သင်တန်းတက်ရောက်ခွင့်လျှောက်ထားပြီး သတ်မှတ်အရည်အချင်း ပြည့်မီသူများကို အင်တာဗျူးဖြေဆိုရန် email ပေးပို့မှာ ဖြစ်ပါတယ်။ အင်တာဗျူးအောင်မြင်သူများသာ တက်ရောက်ခွင့်ရရှိမှာ ဖြစ်ပြီး သင်တန်းတက်ရောက်ခွင့်ရရှိသူများကို Email ကနေတစ်ဆင့် ထပ်မံအကြောင်းကြား ပေးသွားမှာပါ။

 WOU မှ ဖွင့်လှစ်သော သင်တန်းများသည် တော်လှန်ရေးဘက်တော်သားများ၊ တိုင်းရင်းသား အင်အားစုများ၊ ဒီမိုကရေစီအင်အားစုများ၊ CDM ပြုလုပ်ထားသည့်ကျောင်းသား/သူများ၊ ဆရာ/ဆရာမများနှင့် ဝန်ထမ်းများ အတွက်သာ ရည်ရွယ်ထားတာဖြစ်သည့်အတွက် လျှောက်ထားသူများအနေဖြင့် * တိုင်းရင်းသား အစုအဖွဲ့ (သို့) CDM (သို့) ဒီမိုကရက်တစ်ဘက်တော်သားများဖြစ်ကြောင်း မှန်ကန်ဖို့လိုအပ်ပြီး လိုအပ်သည့် အချက်အလက်များ အားလုံးကိုလည်း မှန်ကန်စွာ ဖြည့်စွက်ပေးဖို့လိုပါတယ်။ အကယ်၍ လိမ်လည်ဖြည့်စွက်ထားသည့်အချက်အလက်များကို တွေ့ရှိရပါက ‌‌WOU အနေဖြင့် လျှောက်လွှာကို ပယ်ချသွားမှာဖြစ်ပါတယ်။ ရွေးချယ်မှုကို ‌အကြောင်းကြားပြီးမှ အချက်အလက် အမှားများ ဖြည့်သွင်းထားသည်ကို သိရှိရပါက ‌အတန်းတက်ရောက်ခွင့်ကို အချိန်မရွေး ပယ်ဖျက်သွားမှာဖြစ်ပါတယ်။*

ဤ Diploma အတန်းကို တက်ရောက်လိုသူများအနေနှင့် အောက်ဖော်ပြပါ လင့်ခ်မှတစ်ဆင့် ဝင်ရောက်လျှောက်ထားနိုင်ပါတယ်။ 

 Registration form link - https://docs.google.com/.../1FAIpQLScDBKUdzhxpBg.../viewform 

 Program Timeline link - 

https://drive.google.com/.../1lzIf0jnwoW1.../view... 

 Program Prospectus book လမ်းညွှန်စာအုပ် link - https://drive.google.com/.../1DvqfjCHSnKaT2FuhrvB.../view... 

 Deadline – 1.3. 2026 at 11:59 PM (day)

 ဆက်သွယ်စုံစမ်းရန် တက္ကသိုလ် Pages များ

ဌာန _ https://www.facebook.com/profile.php?id=61586871890330 

တက္ကသိုလ် _ https://www.facebook.com/profile.php?id=61566828640664 

Telegram

Wunzin Online University Students Info Channel 

https://t.me/+BiYlB_aVdQVkMTE1

 Enquiry 

wou.office_uic@he.moeedu.org 

wunzin.ps.bm@gmail.com 

"ပညာရေးဖြင့် တို့တော်လှန် နွေဦးရဲ့အသံ"

Department of Political Science

Wunzin Online University _WOU

#မှတ်ချက်_တိုင်းရင်းသားဟုသုံးနှုန်းမှုသည် post content တင်ရာတွင် စာအရ မြင်သာစေရန်သာဖြစ်ပါသည်။ 

#Wunzinonlineuniversity

#DepartmentofpoliticalScience

#DiplomainPublicAdministration

#DPA #WOU

“Diploma in International Studies”သင်တန်းဖွင့်လှစ်ကြောင်းကြေညာခြင်း

မြန်မာ့နွေဦးတက္ကသိုလ်၊ နိုင်ငံရေးလေ့လာမှုပညာ မဟာဌာနလက်အောက်ရှိ နိုင်ငံရေးတကာဆက်ဆံရေးပညာ ဌာနမှ ပြည်ပရောက် ဆရာကြီး ဆရာမကြီးများ ဦးစီး၍ နိုင်ငံရေးဆိုင်ရာအသိပညာများ ဆည်းပူးလိုသူ ပြည်သူ့ ဘက်တော်သားအပေါင်းအတွက် ကြားကာလအတွင်း စဉ်ဆက်မပြတ် ပညာသင်ယူနိုင်စေရန် ရည်ရွယ်ကာ နိုင်ငံ တကာရေးရာ လေ့လာမှုပညာဘာသာရပ် ဒီပလိုမာသင်တန်းအား ဖွင့်လှစ်လိုက်ပါပြီ။

လေ့လာသင်ယူခွင့်ရရှိမည့် ဘာသာရပ်များ

Semester I

 DISMNOU 1001 - Introduction to International Relations 

နိုင်ငံတကာဆက်ဆံရေးပညာနိဒါန်း

 DISMNOU 1002 - Theories of International Relations  

နိုင်ငံတကာ ဆက်ဆံရေးဆိုင်ရာ သီအိုရီများ

 DISMNOU 1003 - Governments and Politics of Myanmar‘s Neighboring Countries 

မြန်မာ့ အိမ်နီးချင်းနိုင်ငံများ၏ အုပ်ချုပ်ရေး နှင့် နိုင်ငံရေးလေ့လာသုံးသပ်မှုပညာရပ်

• DISMNOU 1004 –Foreign Policy and Diplomacy

နိုင်ငံခြားရေး မူဝါဒနှင့် သံတမန်ရေးရာ 

Semester II 

• DISMNOU 1005 Current Issues in IR

နိုင်ငံတကာဆက်ဆံရေးနယ်ပယ်မှ မျက်မှောက်ရေးရာ စိန်ခေါ်မှုများ

• DISMNOU 1006 – International Political Economy 

အပြည်ပြည်ဆိုင်ရာနိုင်ငံရေး ဘောဂဗေဒပညာရပ်

• DISMNOU 1007 – Geopolitics

ပထဝီ၀င်နိုင်ငံရေး  

• DISMNOU 1008 - Global Governance

ကမ္ဘာလုံးဆိုင်ရာ အုပ်ချုပ်မှုပညာရပ်

သင်တန်းကာလ

❖ ပထမပညာသင်ကာလ----  7th February- 7th June( 4 months) 

❖ ဒုတိယပညာသင်ကာလ--- 11st July- 31st October 

❖ ဘွဲ့ယူစာတမ်းတင်သွင်းခြင်း ကာလ..

❖ အောင်စာရင်း ထုတ်ပြန်ခြင်း----  December (tentative)

သင်တန်းအချိန်နှင့် သင်တန်းရက်

• ည ၇:၀၀- ၉:၀၀ 

• စနေ၊ တနင်္ဂနွေ

သင်ကြားပို့ချမှုပုံစံ

❖ Zoom Application အသုံးပြု၍ သင်ကြားပေးခြင်း

❖ Google Classroom တွင် ကိုးကားစာအုပ်စာတမ်းများ၊ သင်ခန်းစာဗွီဒီယိုဖိုင်များ၊ သင်ခန်းစာဆိုင်ရာ အချက်အလက်များ၊ အကဲဖြတ်မှုဆ်ိုင်ရာ မေးခွန်းများ တို့ကို အချိန်နှင့်တပြေးညီ တင်ထားပေးခြင်း

❖ Guest Speakers များဖိတ်ကြား ၍ Special Talks အစီအစဥ်များ ထည့်သွင်းပေးထားခြင်း

သင်တန်း၏ အကဲဖြတ်မှုပုံစံ

❖ သင်ကြားပြသပေးသော ဆရာ/ဆရာမပေါ်မူတည်၍ အတန်းတက်ရောက်မှု၊ အတန်းတွင်းပါဝင်ဆွေးနွေး နိုင်မှု၊ စာတမ်းရေးသားခြင်း၊ Group/ Individual Presentation ပြုလုပ်ခြင်း အစရှိသော အကဲဖြတ်မှု ပုံစံအမျိူးမျိူးဖြင့် သုံးသပ်စစ်ဆေးမည်ဖြစ်ပါသည်။

တက်ရောက်ခွင့် ရရှိနိုင်သူများ

➢ CDMပြုလုပ်ထားသောအခြေခံပညာအထက်တန်းအောင်မြင်သူများ၊တက္ကသိုလ်ဝင်တန်း နှင့် BECA အောင်မြင်သူများ၊ တက္ကသိုလ်ဝင်တန်းအောင်နှင့်ညီမျှသော GED/IGCSE အတန်းအောင်မြင်သူများ

➢ CDM ပြုလုပ်ထားသော တက္ကသိုလ်တက်ဆဲ/ တက်ပြီးသောသူများ

➢ CDM ဆရာ/ဆရာမများနှင့် ဝန်ထမ်းများနှင့်စိတ်ပါဝင်စားသူများ

➢ ပထမဦးဆုံးအသုတ်ဖြစ်သည့်အတွက် သင်တန်းသား (၁၀၀) ဦးကိုသာ လက်ခံမည်ဖြစ်ပါသည်။

သင်တန်း တက်ရောက်ခြင်းမှ ရရှိလာနိုင်သော အကျိူး ရလဒ်များ

• နိုင်ငံတကာဆက်ဆံရေး၏ အဓိကသဘောတရားများ၊ မူဘောင်များနှင့် အခြေခံသီအိုရီများကို ကျွမ်းကျင် စွာ နားလည်ပြီး ခွဲခြားစိတ်ဖြာနိုင်ခြင်း၊

• နိုင်ငံတကာစီးပွားရေး၊ နိုင်ငံရေးနှင့် လူမှုရေးအဖွဲ့အစည်းများ၏ လုပ်ငန်းဆောင်တာများနှင့် အခန်းကဏ္ဍ များ ကို အကဲဖြတ်နိုင်ခြင်း၊

• မျက်မှောက်ခေတ် ကမ္ဘာ့ရေးရာ စိန်ခေါ်မှုများကိုပိုင်းခြားစိတ်ဖြာပြီး ၎င်းတို့၏ ပထဝီ၀င်နိုင်ငံရေးနှင့် ဘောဂဗေဒဆိုင်ရာ အကျိုးဆက်များကို ဆန်းစစ်နိုင်ခြင်း၊

• မြန်မာနိုင်ငံအပါအဝင် အိမ်နီးချင်းနိုင်ငံများ၏ အစိုးရဖွဲ့စည်းပုံ၊ နိုင်ငံရေးဖြစ်စဉ်များ နှင့် နိုင်ငံခြားရေး မူဝါဒရွေးချယ်မှုများကို နှိုင်းယှဉ်သုံးသပ်နိုင်ခြင်း၊

• နိုင်ငံတကာရေးရာလေ့လာမှုပညာသဘောတရားများကိုအသုံးပြု၍ မျက်မှောက်ခေတ် ကမ္ဘာ့အရေးကိစ္စ များကို ဝေဖန်ပိုင်းခြားနိုင်သော တွေးခေါ်မှုဖြင့် ကျိုးကြောင်းဆီလျော်စွာ ဆွေးနွေးတင်ပြနိုင်ခြင်း၊

သင်တန်းကြေး

• ကျောင်းသားတစ်ဦးလျှင် ၁၂၀,၀၀၀ကျပ် (ပထမပညာသင်ကာလနှင့်ဒုတိယပညာသင်ကာလနှစ်ခုပေါင်း) ပေ:သွင်းရမည်ဖြစ်ပါသည်။

သင်တန်းကို မှတ်ပုံတင်စာရင်းသွင်းခြင်း

✓ ဤ ဒီပလိုမာသင်တန်းသို့ တက်ရောက်ရန် စိတ်ပါဝင်စားသူများသည် အောက်တွင် ဖော်ပြထားသော Google Form https://edu.nugmyanmar.org/DISregisterform

ကို 03-02-2026 (အင်္ဂါနေ့) နောက်ဆုံးထား၍ ဖြည့်ပေးရမည်ဖြစ်ပါသည်။

✓ တက်ရောက်ခွင့်ရရှိသူများကို Google Formတွင် ဖြည့်သွင်းထားသော Email မှတဆင့် အကြောင်း ကြားမည် ဖြစ်ပါသည်။

✓ ထောက်ခံစာ တောင်းယူရာတွင်

၁) CDM ကျောင်းသူ၊ ကျောင်းသားဖြစ်ကြောင်း CDM ဆရာ၊ဆရာမ သို့ ဝန်ထမ်း တစ်ဦးဦးထံမှ ရယူနိုင်သည်။

၂) အကြမ်းဖက်စစ်အုပ်စုနှင့် တိုက်ရိုက် ပတ်သက်မှု/ထောက်ပံ့မှုမရှိကြောင်း CDM တစ်ဦးဦးထံမှ ရယူနိုင်သည်။

၃) CDM ဖြစ်ကြောင်း အထောက်အထား (ထုတ်ပယ်စာ၊ အသိအမှတ်ပြုစာ) တင်သွင်းနိုင်သည်။

၄) အမျိုးသားညီညွတ်ရေးအစိုးရ၏ ဌာနတစ်ခုခုတွင် ပါဝင်ကူညီနေသူဖြစ်ပါက သက်ဆိုင်ရာဌာနမှ ထောက်ခံ  

စာ ကို တင်သွင်းနိုင်သည်။

စိတ်ပါဝင်စားသော်လည်း သင်တန်းကြေးအခက်အခဲရှိသူများနှင့် ထူးချွန်သင်တန်းသား ၁၀ ဦး ခန့် ( သင်တန်းသားဦးရေ၏ ၁၀%) ကို သင်တန်းကြေး ကင်းလွတ်ခွင့်ပေးသွားမည်ဖြစ်သည်။ 

လျောက်ထားသူများထဲမှ ကနဦး (၅%) အား သင်တန်းကြေးကင်းလွတ်ခွင့်ပြုသွားမည်ဖြစ်သည်။ 

(မှတ်ချက် - CDM ဝန်ထမ်းနှင့်ကျောင်းသားများအား ဦးစားပေးစဥ်းစားမည်) 

ကျန် (၅%) အား သင်တန်းပြီးဆုံးသောအခါ အမှတ်အမြင့်ဆုံး ကျောင်းသား များအား စိစစ်၍ သင်တန်းကြေးအား ပြန်လည်ပေးအပ်သွားမည်။

(မှတ်ချက် - မည့်သည့်ကန့်သတ်ချက်မျှမရှိပါ)

*** IR BA MA ဘွဲ့၊ DIR ဘွဲ့ရရှိပြီးသူများ၊ MNOU တွင် IR Undergraduate Degree တန်းတက်ရောက်နေသူများ လျှောက်ထားရန်မလိုပါ။ ***

လူ့စွမ်းအားအရင်းအမြစ်ဖွံ့ဖြိုးရေးဌာနခွဲ

စီမံရေးရာဌာန

မြန်မာ့နွေဦးတက္ကသိုလ်